रुस र युक्रेन बीच भइरहेको युद्दका कारण रोजगारी को लागि दुबै देश हालको लागि उपयुक्त नभएको भन्दै सरकारले युद्धग्रस्त देश रुस र युक्रेनका लागि दिँदै आएको श्रम स्वीकृतिमा रोक लगाएको छ । रुस–युक्रेनबीच युद्ध भइरहेकाले तत्कालका लागि वैदेशिक रोजगारीका लागि दिँदै आएको संस्थागत वा व्यक्तिगत श्रम स्वीकृति अर्को सूचना नआएसम्मका लागि स्थगित गरिएको वैदेशिक रोजगार विभागले जनाएको छ ।
पछिल्लो समय रुस–युक्रेनबीचको युद्धमा रुसी फौजमा भर्ना भएका नेपालीकाे ज्यान गएको खबर आइरहेका छन् । रुसी फौजमा भर्ना भएका १० जना नेपालीको ज्यान गएको पुष्टि भइसकेको छ ।
