अख्तियार दुरुपयोग अनुसन्धान आयोगले बर्दियाको बढैयाताल गाउँपालिका वडा नम्बर ६ मैनापोखरमा रहेको इलाका प्रहरी कार्यालयमा कार्यरत प्रहरी नायब निरीक्षक (सई) पवन साउदविरुद्ध विशेष अदालतमा भ्रष्टाचार मुद्दा दर्ता गरेको छ ।
लागू औषधको मुद्दा मिलाइदिने भन्दै ३० हजार रुपैयाँ घुस लिइरहेको अवस्थामा उनी गत मंसिर १२ गते रंगेहात अख्तियारको फन्दामा परेका थिए ।
प्रहरी नायब निरीक्षक साउदले लागू औषध मुद्दामा सहजीकरण गरिदिने नाममा घुस लिएको भन्दै ३० हजार रुपैयाँ बिगो कायम गरी, जरिवाना र कैदसमेत माग गर्दै विशेष अदालत काठमाडौंमा आरोप पत्र समेत दर्ता भएको छ ।
