लिम्सको न्युरोसाइन्सद्धारा कन्फ्रेन्स सम्पन्न।

समाचार

आवेश पौडेल, बुटवल । लुम्बिनी इन्टरनल मेडिसिन सोसाइटी (लिम्स) को नियमित कार्यक्रम अन्तर्गत अन्तरास्ट्रियस्तरको न्युरोसाइन्स कन्फ्रेन्स सम्पन्न भएको छ । थाइल्यान्डका मस्तिस्कघात रोग विशेषज्ञ डा. सुराकस कमाङयाङको उपस्थितीमा मस्तिष्कघात रोगको उपचार बिधि, औषधिको प्रयोगका बारेमा जानकारी गराइएको छ ।

इन्डियाका मस्तिष्कघात पार्किङसन रोग बिशेषज्ञ डा. रोहित बन्जिलले पार्किङसन रोग सम्बन्धी औषधि व्यवस्थापन बारेमा जानकारी गराएका थिए । ग्राण्डी अस्पताल काठमाडौका मस्तिष्कघात पार्किङसन रोग बिशेषज्ञ डा. राजु पौडेलले पक्षघात रोगलार्इ कसरी उपचार र औषधि प्रयोग गर्ने भन्ने बारेमा जानकारी गराएका थिए ।

कार्यक्रममा सिजर टाउको दुखाइं, रिंगटा लाग्ने तथा नशाका विभिन्न समस्याको बारेमा देशका विभिन्न ठाउँका बिशेषज्ञ डाक्टरहरुले न्युरोसम्बन्धि रोग र यसको उपचार औषधिको प्रयोग सम्बन्धी १८ विषयमा कार्यपत्र प्रस्तुत गरेका थिए । कार्यक्रममा देशका विभिन्न ठाउँबाट गरी २५० जना स्वास्थ्यकर्मीहरुको सहभागिता रहेको थियो ।

लुम्बिनी इन्टरनल मेडिसिन सोसाइटीका अध्यक्ष डा. बिष्णु पौडेलको अध्यक्षतामा भएको कार्यक्रमका संयोजक डा. नन्दु प्रसाद पाठकले स्वागत गरेका थिए भने कार्यक्रमको सञ्चालन डा. प्रकाश भट्टराई, डा सुमन आचार्य, डा प्रिया क्षेत्री, डा. बिबेक खनाल, र डा संस्कृती भट्टराईले गरेका थिए ।

Leave a Reply

Your email address will not be published. Required fields are marked *